Pighurot ni Sen. Erwin Tulfo na pahampangon sa Senate Impeachment Court sina Col. Raymund Lachica asin Col. Dennis Nolasco.
Katuyuhan kaini na personal nindang masimbagan an mga kahapotan na may koneksyon sa paggamit kan confidential funds ni Vice President Sara Duterte.
An duwang military official parehong nabanggit sa pagpadagos kan trial laban ki VP Sara, dahil umano pareho sindang nakatanggap nin milyon-milyong pisong confidential funds para sa pagpapatupad kan mga programa kan Office of the Vice President asin Department of Education.
Segun ki Tulfo, kamawotan kan mga senator-judge na mahapot an duwang ini kung sain ginamit an mga pondong , kaya gusto ninda na personal na pahampangon sa korte an mga opisyal.
Para naman ki Lead Prosecutor Rep. Gerville Luistro, napagdesisyunan na kan House panel na dai na pahampangon sa korte an duwang military colonel.
Segun digdi, nakukumpleto na kan mababang kapulungan an mga ebidensyang gusto nindang ipresenta manungod sa suboot maanomalyang paggamit ni VP Sara kan saiyang confidential funds, kaya dai na kaipuhan na ipresenta pa an duwang opisyal.
Mientratanto, nanindugan si Trial Presiding Officer Sen. Chiz Escudero na kun kaipuhan ipaapod kan korte an duwang opisyal bago magtao nin desisyon an impeachment court, gigibuhon ini kan korte.
