Pinapaatendir kan Sandiganbayan Third Division an apat na doktor kan dating House Speaker Martin Romualdez tanganing mag-atubang sa hearing na nakatalaan sa Setyembre 10.
An mga pinaapod na doktor iyo sinda Dr. Rody Dy, Rogelio Libarnes, Kurt Allen Sibayan asin Rosalio Torres.
Mawot na maaraman kan Sandiganbayan an medical condition kan mambabatas kun tutugutan ninda ining magdanay sa ospital o sa kustodiya kan Philippine National Police.
Si Romualdez ipapaapod man nin personal kun magrahay na an saiyang salud.
Advertisement
Kasabay kaini, dadangogon man kan korte an mosyon kan kampo ni Romualdez na naghahagad nin padagos na confinement sa Cardinal Santos Medical Center sa San Juan makalihis na makaeksperyensya nin anxiety attack asin cardiovascular event.
Advertisement
