Gigibohon na sa Lunes an pag-urulay manungod sa Article II o an “unexplained wealth,” ngonian na tapos na an prosecution sa pagpresentar kan mga ebidensya manungod sa salang paggamit kan confidential funds.
Segun ki Prosecution legal spokesperson Atty. Benjamin Tolosa, nakua na ninda an saindang “evidenciary target” para mapatunayan an alegasyon nin salang paggamit kan confidential funds.
Sinabi ni Tolosa na dai na maghampang an prosekusyon nin dugang pang mga testigo para sa isyu kan confidential funds, huli ta igwa nang supisyenteng ebidensya na nakua hale sa mga naenot nang testimonya.
An desisyon na ini nagtutuyong maparikas an paglilitis asin malikayan an pag-otro-otro kan presentasyon nin ebidensya.
Para sa “unexplained wealth” na aspeto, plano kan prosekusyon na surion an mga bank account ni Bise Presidente Duterte, kaiba an mga rekord hale sa Bureau of Internal Revenue (BIR) asin Anti-Money Laundering Council (AMLC).
Lininaw ni Atty. Tolosa na dawa nakamit na an target sa ebidensya, an ultimong desisyon kun supisyente ini para sa conviction yaon na sa mga senator-judges.
