Padagos an paglangkaw kan kaso kan Dengue sa syudad nin Naga City kun saen 495 na an naitala poon Enero sagkod Setyembre.
Sa intrevista kan Bombo Radyo Naga ki Naga City Mayor Leni Robredo, sinaysay kaini na padagos an ginigibo kan Naga City Government na kampanya kontra dengue kasunod kan padagos na paglangkaw kan bilang kan mga kaso sa syudad.
Segun ki Robredo, nag-abot na sa 495 an kabuuang bilang kan mga nairekord na kaso nin dengue gikan Enero sagkod Setyembre. Sa nasambitan na bilang, 300 kaso an naitala sa Setyembre sana.
Sa kabilogan, walo na an nairekord na nagadan huli sa dengue. Kabali sa mga pinakahuring biktima an sarong residente kan Barangay Concepcion Pequeña asin saro naman hale sa Barangay Cararayan.
Mientrastanto, padagos an ginigibong fogging operations kan lokal na pamahalaan, kasabay kan pagpapatuman nin iba pang mga lakdang tanganing mapuho an mga namok na nagdadara kan dengue asin mapugulan an padagos na paglangkaw kan mga kaso sa syudad.
