Naglatag na an Coast Guard Station Camarines Sur kan saindang mga preparasyon para maseguro an kaligtasan kan mga deboto asin mga partisipante sa Peñafrancia Festival 2026.
Segun ki LTJG Jason Bernardino, Deputy Commander kan Coast Guard Station Camarines Sur, sinaysay kaini na maabot sa 500 na mga personahes an andam na magbantay asin magmantenir kan seguridad durante kan mga aktibidad kan festival.
Magdedeploy man an Coast Guard nin mga floating devices o boya sa Naga River tangarig magserbing giya sa mga baroto na mapartisipar sa fluvial procession.
Kasabay kaini, mahigot man na pigbabantayan kan ahensya an posibleng paglangkaw asin pagbaba kan lebel kan tubig sa salog tangarig na masierto an kaligtasan kan mga lunadan asin mga deboto.
Pigpagirumdom kan Coast Guard an gabos na partisipantes na magsunod sa mga establisadong panundon asin dae maggibo nin anuman na aksyon na posibleng magsapeligro sa sadiri asin sa iba.
Mahigot na pigpapautob an mga safety protocols sa fluvial procession para sa ligtas asin marhay na selebrasyon kan Peñafrancia Festival 2026.
