Nagmamantinir sa 8.4 percent an inflation rate sa Camarines Sur kaining Agosto 2026, base sa Inflation Report kan Philippine Statistics Authority (PSA) Camarines Sur.
Kapareho ini kan naitalang inflation rate nin lalawigan kan Hulyo 2026, na nangangahulugang nagmamantinir na makaskas an paglangkaw kan presyo nin mga primerong bakalan asin serbisyo sa probinsya.
Segun ki Raul Aspe Jr., Chief Statistical Specialist kan PSA Camarines Sur, kabali sa mga parimerong nag-ambag sa inflation an Housing, Water, Electricity, Gas, asin Other Fuels.
Dakula man an nagin kontribusyon kan Food and Non-Alcoholic Beverages, siringman nin Transportation, sa kabilogang inflation rate kan Camarines Sur.
Padagos namang minomonitor kan PSA an hiro kan presyo nin mga bakalon asin serbisyo tanganing matukoy an mga primerong kawsa na nakaaapektar sa inflation sa lalawigan.
