Nangapudan si Fr. Jene Lois Sarmiento, Vice Rector kan Our Lady of Peñafrancia Minor Basilica and National Shrine, imantinir an solemnidad asin orden sa maabot na Fluvial Procession bilang parte kan Peñafrancia Festival 2026.
Sa paghamapang sa mga kagawad kan Media ni Fr. Jene Lois Sarmiento, Vice Rector kan Our Lady of Peñafrancia Minor Basilica and National Shrine, sinabi kaini na importante an tamang paghinanyog asin paggalang sa mga deboto sa prusisyon, orog na tanganing maprotehiran an kaligtasan kan gabos na mapartisipar sa aktibidad.
Kinumpirmar man kaini na nagsurat na sa Arsobispo an City Government of Naga na hagadon na liwaton an ruta, partikularmente sa mga lugar na pigkokonsiderar na high-risk huli sa posibilidad na magdakol an mga tawo. An bagong ruta piglalaoman na makakagibo nin mas mahiwas na espasyo para sa mga deboto asin mas marahay na dalagan kan prusisyon.
Dugang pa ni Fr. Sarmiento nakikipag-ulay na an simbahan sa Public Safety Office asin iba pang mga miyembro kan Incident Management Team para sa pag-reroute kan trapiko, pagmanehar kan kadaklan, asin iba pang mga preparasyon sa seguridad. Inaabisuhan man an mga deboto na magsunod sa mga ipinagboboot na protocols.
An Fluvial Procession sarong importanteng parte kan debosyon sa Ina kan Peñafrancia, asin hinahagad kan Basilika na an selebrasyon kan 2026 magin ligtas, matoninong, asin matoninong para sa gabos na mga deboto na maatendir.
