Bilang parte kan Peñafrancia festival, saro sa mga kabtang kan aktibidad sa Tagboan Arts, Music and Food Festival kan Lokal na gobyerno kan Naga an
kumpetisyon sa paggibo nin tinapay sa ikaduang aldaw kan Sugod Bakery Caravan kan URC Flour asin 24 bakers an nagpartisipar digdi.G ikan pa an mga ini sa manlain-laen na parte kan Bicol an nagpresentar kan saindang mga specialty sa pagluto nin tinapay.
Ginamit kan mga ini an mga tamang paagi, estratehiya asin teknik na nanudan ninda ki Chef Jac Laudico, na nagsagibo nin live bread-making sa primerong aldaw kan aktibidad.
Inspirasyon kan mga bakers an linutong mairam na tinapay ni Chef Jac na inaapod na”Ligaya ng Naga”.
Presente sa aktibidad si Allen Reondanga, Head kan City Events Protocol and Public Information Office (CEPPIO) komo saro sa mga Hurado, na representante man ni Mayor Leni Robredo.
May mga naggamit nin ube, cashew, yema, polvoron, sili, coconut, pili, kalabasa, malunggay, asin iba pa na mga sangkap.
Nakua ni Raymart Candia kan Muggles Mango Snack House an nagin Naga-Bicol winner sa paagi kan saiyang “Spring in the City” bread.
Mientrastanto, suportado ni Naga City Mayor Leni Robredo an Sugod Bakery Caravan ta makakatabang ini sa mga negosyante sa siyudad.
Mientratanto, tulos manna pinirmahan kan alkalde kan syudad an Memorandum of Agreement (MOA) signing asin partnership sa URC Flour komo pagsuporta sa
micro, small, and medium enterprises (MSMEs) sa siyudad asin an pagpakusog pa kan baking industry sa syudad nin Naga.
