Pigkuwestiyon ni Davao City 1st District Representative Paolo Duterte an desisyon kan Senado, na nagtutukaw komo impeachment court, manungod sa bilang kan boto na kaipuhan para sa sarong conviction sa impeachment trial.
Segun ki Duterte, bakong awtomatikong nagigin constitutional an sarong interpretasyon huli sana ini sinuportahan kan mayorya. Pigtawa-duon niya na malinaw sa Saligang Batas na kaipuhan an concurrence kan 2/3 kan gabos na miyembro kan Senado para sa conviction.
Segun ki Duterte, kun igwa nin pagtatalo sa interpretasyon kan probisyon kan Konstitusyon, nararapat na an Korte Suprema an magdesisyon kun ini naaayon sa Fundamental Law kan nasyon.
Pigtawan-doon man ni Duterte na pansamantala sana an mga posisyon sa gobyerno, mantang an Konstitusyon nagdadanay na pinakahalangkaw na ley kan nasyon.
Mantang, nagpahayag man siya nin pagkontra sa arinman na lakdang na aniya pwedeng magliwat sa constitutional requirement base sana sa presenteng bilang kan mga boto sa Senado.
