Nag-andam na an Commission on Elections (COMELEC)-Buhi nin contingency plan kasunod kan pag-oktaba kan Barangay asin Sangguniang Kabataan Elections (BSKE) 2026, mantang pighahalat an pinal na desisyon kan Korte Suprema sa bagay na pag-oktaba.
Sa intrevista kan Bombo Radyo Naga ki Perfecto V. Llanza Jr., – Election Officer IV, Comelec-Buhi, sinaysay kaini na padagos an saindang opisina sa regular na operasyon, alagad temporaryong suspendido an mga aktibidad na may kinaaraman sa pirilian katakod kan direktiba kan COMELEC Manila.
Kabali sa mga dati nang inandam iyo an voter list, Election Registration Board (ERB), asin computerized voters list. Alagad, posibleng dae na magagamit an nagkapirang dokumento kun igwa nin bagong rehistrasyon nin botante asin magbago an listahan nin mga botante.
Pigsierto ni Villanza na dae masasayang an mga kagamitan na itinao para sa pirilian, kabale na an mga ballot boxes na pwedeng gamiton pa sa taon 2028. Preparado man an datos kan mga poll workers, dawa ngani dae pa nagigibo an saindang training.
Mientrastanto, nangapudan an COMELEC-Buhi sa mga botante, kandidato, asin opisyales kan barangay na mag-antabay sa mga opisyal na anunsyo. Padagos suboot an saindang opisina sa pagtao nin updates mantang pighahalat an pinal na direksyon dapit sa masunod na barangay asin SK elections.
