Nagtitinir na peligro an nakasabit na mga kable asin alambre sa Tinampo sa mga residentes, kun saen an nagkapirang linya hababa na asin posibleng magin kawsa nin aksidente.
Sa intrevista kan Bombo Radyo Naga kay Engr. Rinner Bucay, Spokesperson, CASURECO 2, sinabi kaini na naghagad an mga residente sa mga lugar na tulos na atubangon an problema, urog na posibleng magtao nin huma sa seguridad kan mga motorista, pedestrian, asin mga harong an mga nakalaylay na mga wire kan mga kan Telecommunication.
Kabali sa mga piglalaoman na makakatabang sa pagresolber kan problema iyo an CASURECO, orog na an mga alambre asin linya na sakop kan saindang sistema.
Mientrastanto, pigduon man kan sarong climate change workshop an importansya kan koordinasyon kan mga ahensya, lokal na gobyerno, asin manlaen-laen na sektor kan komunidad sa pag-andam sa epekto kan climate change.
Dugang pa ni Bucay, importante an pagkasararo asin pagtarabangan kan gabos na sektor tanganing mas marikas na masimbagan an mga peligro sa komunidad.
Katakod kaini, piglalaoman na iimbitaran an mga representante kan Climate Change Commission para sa sarong briefing sa Sangguniang Panlungsod tanganing pag-olayan an mga lakdang sa pag-andam asin pag-adaptar sa mga epekto kan climate change.
