Baseless assumption” sana an sinabi ni dating Sen. Antonio Trillanes IV na “not welcome” ini sa Senate Impeachment Court, segun ki Senate Impeachment Court spokesperson Atty. Reginald Tongol kan Biyernes.
Sa sarong press conference, sinabi ni Trillanes na malinaw na dai ini welcome sa Senado matapos na dai ini tawan nin subpoena tanganing magtestigo manungod sa suboot dai maipaliwanag na kayamanan ni Vice President Sara Duterte
Piglinaw ni Tongol na mayo man nin ipinahiling na arog kaining pagtrato an korte ki Trillanes.
Enot nang tinanggihan ni presiding officer Sen. Francis “Chiz” Escudero an kahagadan kan House prosecution panel na mag-isyu nin subpoena ki Trillanes.
Ipinaliwanag ni House Prosecutor asin Bicol Saro party-list Rep. Terry Ridon na dai kaini ibinali si Trillanes sa listahan kan mga testigo para sa semanang idto, kaya dai pa nag-isyu nin subpoena an korte.
Duwang aldaw makalihis kaini, binawi man kan prosecution an plano ninda na ipahampang si Trillanes.
Sa sarong post, sinabi kan dating senador na siya mismo an nagpaabot na dai na siya magtestigo dahil umano nahaharap sa “pressure” an House panel.
