Padagos na nagiging angat sa naglalangkaw na presyo kan mga pangenot na barakalon para sa kadaklan na mga Pilipino, na nakakaapektar sa saindang pang-aroaldaw na pangangaipo.
Sa intrevista kan Bombo Radyo Naga kay Rogel P. Morales – Financial Analyst, sinabi kaini na dakol pa man giraray an nakakaeksperyensiya nin kakulangan sa income minsan nagbaba an bilang kan mga nasa irarom kan poverty line.
Segun ki Morales, nagbaba an purchasing power kan mga Pilipino kun naglangkaw an presyo kan pagkakan, kuryente, transportasyon asin iba pang basic commodities.
Sinabi niya na na an supisyenteng entrada nakadepende sa mga pangangaipo, estilo nin pamumuhay asin disiplina sa paggasto, asin na an mga ₱23,000 kada bulan puwedeng magin igo kun iyan gagamiton nin tama.
Pigduon man ni Morales na saro sa mga rason kun tano ta mayo nin savings iyo an pag-prayoridad kan mga luho imbes na basic needs. Dawa ngani may epekto an mga problema sa gobyerno, importante man giraray suboot an personal na aksyon ngani na mapakarhay an pinansyal na kamugtakan.
Mientrastanto, dae pa suboot preparado an Pilipinas na lubos na haleon an provincial wage rate huli sa pagkakaiba kan cost of living, oportunidad sa negosyo asin kakayahan kan lambang lugar na magtao nin trabaho.
Para sa mga minimum wage earners, nagsuherir si Morales na maghanap nin dagdag na kita arog kan side hustle. Pig-engganyar man kaini an publiko na likayan an sugal, bisyo asin labi-labing pag-aling nin online games asin envez gamiton an saindang oras sa pagganansya, pagtipid asin pag-uswag.
