Naghain nin affidavit an abogado ni Bise Presidente Sara Duterte sa National Bureau of Investigation (NBI) manungod sa mga akusasyon ni dating pulis Rodulfo Gracioso Jr.
Segun ki Gracioso, naghatod siya nin mga maleta nin kwarta, na nagkakantidad nin labi P2 bilyon, sa pamilya Duterte sa pagboot ni Lord Allan Velasco.
Mariing pinasikatan ni Bise Presidente Sara Duterte an gabos na akusasyon.
An saiyang abogado, si Atty. Clifford Chua, an nagrepresentar saiya sa NBI, na nagsabi na dai na kaipuhan an personal na pagluwas kan Bise Presidente.
Idinugang ni Atty. Chua na pano nin kaputikan an mga pahayag ni Gracioso asin kaiba sa affidavit an mga retrato na ipinublikar kan Bise Presidente sa saiyang press conference.
Sa ngunyan, padagos an imbestigasyon kan NBI sa mga akusasyon kontra ki Bise Presidente Duterte asin gigibuhon an sarong fact-finding process base sa isinumitir na affidavit.
