Pagsusumikapan kan Pinay tennis star na si Alex Eala na makabawi sa mga pagkadaog niya sa mga nakaaging torneo.
Ini huli ta nakatalaan siyang magpartisipar sa Ningho Open sa China sa masunod na dominggo.
Sa tulong nakaaging torneo, mayo siyang nakua na kapangganahan, kaiba an dai-nilalaomang pagkadaog niya ki unseeded Russian Tatiana Prozorova sa Round of 16 kan Singapore Open.
An Wuhan Open an pinakahuring WTA 1000 event ngunyan na season na sinalihan ni Eala matapos an saiyang pagbalik sa mga torneo.
Maroromdoman na dai na nagpartisipar si Eala sa China Open matapos niyang irepresentar an nasyon sa kakatapos pa sanang Asian Games.
Matapos an Ningho, an World number 19 magpapartisipar pa sa Toray Pan Pacific Open sa Tokyo, Japan, sarong WTA 500 event na gigibuhon poon Oktubre 26 sagkod Nobyembre 1.
Pagkatapos kaiyan, maduman siya sa Hong Kong para sa WTA 250 tournament poon Nobyembre 2 sagkod 8, na iyo an saiyang panghuring torneo ngunyan na 2026.
