Tolos na binawian nin buhay an 32 na mga kaakian matapos magbagsak an bubong kan saindang eskwelahan sa northern Pakistan.
An daing ontok na pag-uran an pigtutukdo na kawsa kan pagbagsak kan bubong.Ini an nagresulta sa pagbagsak kan bubong kan Al Khair Public School sa syudad kan Peshawar.
An mga biktima nag-iedad 6 sagkod 14 anyos, asin kaiba sa mga nagadan an sarong 25-anyos na babayi.
May nagkapirang estudyante an na-trap sa laog kan nagbagsak na edipisyo na tolos man na nailuwas kan mga tawo.
Advertisement
Nasa 50 mga aki an nalugadan sa nasabing insidente mantang inaresto kan mga awtoridad an may-sadiri kan eskwelahan asin padagos pa an saindang imbestigasyon.
Advertisement
