Pambabadil sa Eskwelahan sa Oregon, Kinagadan nin Apat katawo

Gadan an Apat na katawo matapos an insidente nin pambabadil sa sarong eskwelahan sa Bend, Oregon.

Kaiba sa mga nagadan an tolong aki asin sarong nasa hustong edad.

Huli sa insidente, isinara kan mga otoridad an Silver Rail Elementary School.

Narekupo kan mga rumespondeng pulis na gadan na an suspek pag-abot ninda sa lugar.

Segun ki Sheila Miller, tagapagtaram kan Bend Police Department, dai pa ninda segurado kun siisay an nakagadan sa nasabing suspek.

Dinara man sa ospital an duwang biktima matapos na nalugada sa insidente.