Nagpahayag nin pasasalamat an Korean star na si Sandara Park, an “Pambansang Krung Krung,” sa Pilipinas, na saiyang sinabi an nagporma asin nagliwat kan saiyang buhay.
An miyembro kan 2NE1 nagheras kan sentimyento matapos magbisita sa Jollibee, Singapore kan Oktubre 13, kun sain siya nakabisto nin mga Filipino fans dawa nakamaskara.
Sa sarong post sa X, tulos siyang nagdesisyon na maghapunan sa fast food restaurant matapos niya ining mahiling.
Sarong fan an nag-omaw sa parakanta huli sa pagkamoot na saiyang ipinapahiling sa Pilipinas, na ibinabalik man kan mga Filipino kun sain siya magduman.
“Kasi minahal mo ng todo ang Pilipinas… Kaya sobra-sobra ang pagmamahal ng mga Pilipino sa’yo Sandara,” an isinurat kan fan.
Nagsimbag si Sandara sa paggirumdom kun paano siya inako kan nasyon kan aki pa asin dai pa pamilyar sa showbiz.
“Kasi minahal ako nang todo ng Pilipinas nung bata pa ako. Nung wala pa akong alam sa showbiz, wala pa akong friends at wala pa akong alam sa mundo. The Philippines raised me and changed my life,” an saiyang sinabi.
Ipinangaki sa Busan, South Korea, si Sandara nagin bantog sa Pilipinas matapos magbali sa “Star Circle Quest” kan 2004.
Paghaloy-haloy, nagpadagos siya nin karera sa South Korea bilang miyembro kan 2NE1.
Bilang an “Pambansang Krung Krung,” nagmantener si Sandara nin haraning relasyon sa mga Filipino fans sa laog nin mga taon.
Nagkawat pa ngani siya nin ideya kun baga Pilipina siya sa saiyang nakaaging buhay.
“Hindi kaya Pilipina talaga ako sa past life ko?!” an saiyang isinurat.
Sa naenot na X post kan Oktubre 10, ipinahayag ni Sandara an kaugmahan sa paghiling nin mga Filipino fans sa saiyang mga overseas performance, kaiba an Kaohsiung Park Music Festival sa Taiwan asin mga event sa South Korea.
“Kasi lately, ‘di ko na-expect pero laging may Pinoy sa shows ko. Pati sa Korean festival sa Incheon, meron din sa Chungju [Park Music Festival] and many other places,” an saiyang sinabi.
“So nagulat ako and happy!!! So isipin ko na lang, kahit san ako pupunta, at least may isang Pinoy who will be there to cheer for me,” an saiyang konklusyon.
