Laoman na mapaluwas an Department of Education (DepEd) nin bagong giya para sa mga eskwelahan tanganing atubangon an matinding epekto kan El Niño.
Segun ki DepEd Undersecretary Malcolm Garma, an heat index kan PAGASA an magigin basehan sa pagpundo kan face-to-face classes.
Awtomatikong masususpinde an klase kun umabot sa 42 degrees celsius o labi pa an heat index tanganing malikayan an heat stroke, dehydration, asin iba pang helang.
Tinatawan man nin kapangyarihan an mga school principal na magkansela nin klase base sa peligro kan init sa saindang lugar.
Tanganing dai mapendyente an pag-adal, ipapautob an alternatibong mga paagi arog kan home-based learning kun igwa nin suspensyon.
Inatasan man an mga eskwelahan na magtao nin accessible drinking water asin tugutan an mga estudyante na magsulot nin mas preskong gubing.
