Pinapaphiro ni Senate President Sherwin Gatchalian an Department of Agriculture (DA) asin Department of Social Welfare and Development (DSWD) na pakusugon an saindang mga paghiro para agapan an grabeng epekto kan Super El Niño.
Idinugang ni Gatchalian na kaipuhan na paghandaan an “Very Strong El Niño,” huli ini pwedeng magdara nin kawaran nin trabaho, pagbaba kan produksyon, asin kakulangan sa pagkakan.
Partikular na nasa peligro an sektor nin agrikultura asin an iba pang mahihirap na sektor.
Base sa datos kan Philippine Statistics Authority (PSA), umabot na sa P6.86 billion an danyos sa agrikultura huli sa El Niño kan Setyembre pa sana.
Nagbabala an senador na an mga epekto pwedeng magin kasing grabe kan paglangkaw kan presyo nin langis durante kan gyera sa Iran.
Para masimbagan ini, pamamayuhan ni Gatchalian an Reinvigorate Investment and Sustainable Economic Growth (RISE) ad hoc committee tanganing pag-ulayan an papel kan Senado sa pagpababa kan epekto kan El Niño.
