Ipigheras kan 2 opisyal na may total na P6.5 milyon na pondo an itinalaan para sa konstruksyon kan Barangay Hall, kabali na an P2.5 milyon para sa primero eskalon asin P4 milyon para sa ikaduwang eskalon.
Sa intrevista kan Bombo Radyo Naga ki Efren C. Nepomuceno, Barangay Captain kan Barangay San Francisco, Naga City, sinabi kaini na an P2.5 milyon na pondo para sa primera eskalon itinagama kan panahon kan dating Alkalde na si Legacion na ngonian an Congressman Nelson Legacion. Alagad, na naitugdok na an parte kan edificio, nagdadanay man giraray an isyu sa pagbalyo kaini sa City government.
Mientrastanto, sa intrevista kan Bombo radyo Naga na sinabi ni Luis B Fernandez, Barangay Kagawad, Sta Cruz Naga City, sinabi kaini na an proyekto kan Barangay Santa Cruz na igwang P3.8 milyon na pondo. Nagpoon ini kan Hulyo asin target na matapos sa enot na yugto bago an Disyembre 25.
Kabali sa mga dapat tapuson sa proyekto iyo an pagpinta, pagbugtak nin baldosa, asin iba pang kinakaipuhan na trabaho.
Dugang pa ni Fernandez, hinahagad pa an dagdag na pondo sa alkalde para maipadagos asin matapos an mga natatadang trabaho.
Piglalaoman na an edificio magigin andam nang istaran sa Nobyembre o Disyembre kun matapos na an kinakaipuhan na trabaho, huli sa dai pa ini lubos na natapos. An pagpapadagos kan ikaduwang yugto kan proyekto nakadepende sa pagkakaigwa nin dagdag na pondo.
