Pinapagirumdom kan Department of Migrant Workers (DMW)-Bicol an publiko na mag-ingat asin i-verify an recruitment agency asin job offer antes magproseso o magbayad sa trabaho sa abroad.
Sa intrevista kan Bombo Radyo Naga ki Atty. Dominic Cerbito, Attorney IV, Protection Division, DMW-Bicol, sinabi kaini na saro sa mga red flags kan illegal recruitment iyo an paghagad tulos nin kwarta asin pagtuga nin sigurado o marikas na byahe sa abroad dawa mayo nin kumpletong dokumento asin interview.
Inenkaminar man kaini an mga aplikante na helingon an lisensya kan recruitment agency asin an aprobadong job order sa paagi kan opisyal na website kan DMW.
Pigsierto kan opisyal na libre an legal assistance kan saindang opisina asin confidential an mga reklamo kan mga biktima kan illegal recruitment.
An DMW-Bicol Protection Division namumugtak sa ikatulong eskalon kan Ichan Building, Alternate Road, Barangay 16, Legazpi City, Albay.
Pwede man sindang kontakon sa 0992-6982-552.
