Nangapudan an Samahang Industriya nin Agrikultura o SINAG sa sanga kan Malacañang na isuspendir an pag-importar nin karneng baboy asin palangkawon an taripa sa mga imported na produkto tanganing maprotehiran an mga lokal na paraoma.
Segun ki SINAG Executive Director Jayson Cainglet, nagsumiter na nin pormal na proposal an Department of Agriculture o DA sa Tariff Commission para sa paglangkaw kan taripa sa imported pork.
Paliwanag ni Cainglet, makalihis na ibaba kan Executive Order kan Presidente an mga tarifa, igwa man nin kapangyarihan an Malacañang na magpataas kaini sa paagi kan bagong direktiba.
Segun sa datos kan mercado, uminabot na sa cincuenta pesos an diperensya kan presyo kan preskong local na kasim kumpara sa imported na kasim. Mientrastanto, maabot sa ochenta pesos an diperensya kan presyo kan preskong asin imported na liempo sa mga mercado publico.
Nanindugan an SINAG na kinakaipuhan an apuradong aksyon kan gobyerno tanganing maprotehiran an mga lokal na paraoma laban sa padagos na pagkalugi kan negosyo.
