Tulong gadan sa pagguho nin Rock Formation sa Turkey

Tulong katawo an nagadan asin lima an nalugadan matapos magguho an parte kan sarong bantog na bulkanikong rock formation sa Turkey kan Huwebes, Oktubre 29.

Nangyari an makulog na insidente harani sa sarong parking lot sa Goreme region kan Cappadocia, Turkey.

An nagguho na parte kan rock formation, na bisto bilang “fairy chimney,” an nagdulot kan trahedya.

An mga biktima an nagpapasyar sa lugar kan biglang magtumpag an pidaso kan pormasyon.

Segun ki Gov. Huseyin Kok, posibleng kawsa kan pagguho an makusog na pag-uran na nagtama sa lugar.

Padagos pa an mga rescue team sa paghanap sa iba pang indibidwal na posibleng na-trap sa irarom kan mga guho.