Ipinahayag kan interior minister kan France na idedeploy an 70,000 na pulis sa bilog na nasyon tanganing prepararan an nagdadangadang na protesta sa Sabado, na kasabay kan Halloween.
Segun ki Interior Minister Laurent Nunez, mas papakusugon pa an mga security measures arog kan paggamit nin armored vehicle asin water cannon.
Naroromdoman na nagkaigwa nin mahiwas na protesta sa manlaen-laen na parte kan France huli sa paglangkaw kan presyo kan mga bilihon asin nagtataas na gastos sa pamumuhay, na nagresulta man sa mahiwas na looting asin rayot sa manlaen-laen na merkado.
Nag-abot sa 2,700 katawo an inaresto sa nakaaging kilos-protesta. Mantang, pinatanidan man ni Nunez an mga magsasagibo nin demonstrasyon manungod sa mga magpapahiling nin pananamantala sa Halloween tanganing itago an saindang mga lalawgon sa public areas.
Ipinahayag man kan interior minister na papayagan an mga demonstrasyon alagad bako sa “city centers” kun saen pwedeng magkawsa nin dakulang kariribokan.
Maglulunsar an Yellow vest movement kan saindang ikatulong kilos-protesta sa aldaw kan Halloween sa National Assembly asin sa gabos na town halls sa nasyon.
