Opisyal nang naghagad nin dispensa si Hong Kong leader John Lee, huli sa makaraot na kasulo na nangyari sa sarong edipisyo sa Tai Po, sarong taon na an nakalihis.
Sa sarong kumperensya, nagpaluwas man an lider nin mga report manungod sa apat na government departments na dapat magin responsable sa nangyaring kasulo huli sa mga safety complaints.
Segun sa mga repormang ipinaluwas ni Lee, kaiba digdi an pagpapakusog kan kaligtasan asin kaayusan sa industriya nin pagtogdok. Tututukan man an sistematikong regularidad kan mga edipisyo.
Naroromdoman na nagkawsa nin kagadanan sa haros 168 katawo an kasulo sa pitong 31-storey tower blocks sa Wang Fuk Court residential complex, kun sain nadamay man an sarong under renovation na edipisyo sa Tai Po district huli sa paglakop kan kalayo sa dust netting asin scaffolding kaini.
Segun man sa Hong Kong lider, ikinamumundo niya an nangyaring kasulo sarong taon na an nakalihis asin boot niyang maghagad nin dispensa sa gabos na naapektuhang residente pati na sa publiko.
Ipin
