Kinumpirma kan Philippine National Police (PNP) na nakaresibi sinda nin mga apod poon kan ilunsar ninda an hotline para sa marikas na paghanap ki Senador Ronald ‘Bato’ Dela Rosa.
Segun ki Lt. Gen. Wilson Joseph Lopez, PNP deputy chief for administration, mahigot nindang sinasala an lambang apod asin pigbeberepika nin marhay.
Maski an mga lugar na posibleng kinamumugtakan niya pigbabantayan ninda nin marhay tanganing tulos na maaresto an senador.
Dai man pigkakaila kan opisyal kan pulisya na igwa sinda nin koordinasyon sa manlaen-laen na ahensya arog kan Armed Forces of the Philippines (AFP) para sa marikas na pag-aresto sa puganteng Senador.
Mantang padagos an manhunt, mas pinili kan PNP na sumuko na sana an Senador tanganing malikayan an ano man na engkuwentro.
