Nagtapos na an kampanya kan Filipinang tennis star na si Alex Eala sa Pan Pacific Open sa Japan.
Ini matapos na daogon siya ni Diana Shnaider sa quarterfinals, sa score na 2-6, 7-(6), 6-4.
Sa enot na set, dinomina kan Rusong tennis player an laban, asin paglaog kan ikaduwang set, nagbalos an Filipinang tennis star.
Sa ikatulong set, pinirit pa ni Eala na manggana sa laban, alagad nagin mahigot nanggad an pagbantay kan Rusong tennis star.
Pigkokonsiderar ni Shnaider na an laban ninda ni Eala ngunyan garo na sa finals huli sa pareho nindang ipinahiling an saindang galing.
Ini na an ikaduwang sunod na pagkadaog ni Eala ki Shnaider, na enot siyang dinaog sa Ningbo Open.
Piglalaoman man na babawi si Eala sa sunod na semana para sa paglaban niya sa WTA 250 Hong Kong Open, na iyo na an huring WTA tournament niya ngunyan na taon.
