Lampas 5,000 na an nagadan sa Ebola outbreak sa Congo

Lumampas na sa 5,000 an bilang kan mga nagadan huli sa Ebola outbreak sa Democratic Republic of Congo.

Base ini sa iniluwas na datos kan gobyerno, kun sain maabot sa 10,000 katawo an naitalang na-infect poon pa kan Mayo.

Sa ngunyan, mayo pa nin aprubadong bulong o bakuna para sa Bundibugyo virus disease (BVD) na kawsa kan partikular na strain kan Ebola virus.

Walo sa 26 na probinsya kan Congo an apektado na kan Ebola virus, asin dakol an nagagadan sa luwas kan mga treatment centers.

An paglakop kan Ebola ngunyan na taon an ikaduwa sa pinakadakula sa kasaysayan kan kinaban.

Dugang pa, an Nigeria an ika-apat na nasyon sa Africa na nagreport nin kaso kan Ebola, kaiba an Kenya asin Uganda na nagtala man nin mga impeksyon.