Uminabot na sa P100 million an kita kan pelikulang “Pee Mak” kan WilBea loveteam, sarong lokal na adaptasyon kan sarong Thai movie.
Nagpahayag nin pasasalamat si Wilbert sa saiyang Instagram story.
Apwera sa “Pee Mak,” katatapos pa sana ni Wilbert kan saiyang homecoming WRten concert sa Davao asin ipapadagos an WRten concert tour sa CALABARZON poon sa November 28 sa Sta. Rosa Multi-Purpose Sports Complex.
Alagad, daing lugar an burnout para sa singer-actor huli ta haloy na niyang pinangarap na magin sibot sa saiyang karera.
Saro pa sa mga plano kan binata ngunyan an padagos na magtipon nin kwarta para makabakal nin mas dakulang condo.
Parte kan planong ini an pagbenta kan saiyang mga daga na naipundar sa Davao.
Giit ni Wilbert, mas kaipuhan niya an dakulang lugar tanganing kun bisitahon siya kan saiyang pamilya digdi sa Maynila, komportable sindang magkairibahan.
Mientrastanto, bihira na sa ngunyan an nakakakua nin P100 milyong kita sa takilya, kaya dakulang bagay ini para sa WilBea loveteam.
