Nagpuon na kan Biyernes sa Senado kan Paraguay an impeachment trial kontra ki Presidente Santiago Peña, pirang aldaw matapos an pagbagsak kan Ueno Bank na sinasabing igwang koneksyon saiya.
Nangyari an pagdangog sarong aldaw matapos isumite ni Peña an saiyang pagdemitir sa pwesto.
Alagad, ipinagpaliban kan Kongreso an saiyang resignation tanganing magpadagos an impeachment proceedings.
Tinatantyang tolong milyon na depositor an naapektaran matapos kontrolon kan Central Bank an Ueno Bank asin i-freeze an mga account kaini.
Nagsasapo si Peña nin mga alegasyon nin conflict of interest huli ta dati siyang may-ari nin shares sa sarong kumpanya na may kontrol sa nasabing bangko.
Ipinangako man niya na bakong totoo an mga paratang.
Mantang, rinibong mamamayan an nagprotesta asin nanawagan na panaguton an presidente sa pagbagsak kan bangko.
Hinagad ni Peña an 72-oras o 3 aldaw na palugit tanganing maipreparar an saiyang depensa.
Segun saiya, naresibe niya sana an haros 300 pahina nin mga dokumento kan paratan
