Nilinaw kan Philippine National Police (PNP) na mayo sindang namomonitor na ano man na seryosong banta sa seguridad na may koneksyon sa magiginibo na 2026 ASEAN Summit sa nasyon sa masunod na semana.
Segun ki PNP Chief Police General Jose Melencio Nartatez Jr., sagkod ngunyan, ubos pa sana an lebel kan banta na namamasdan asin pig-aaraman ninda sa presente.
Sa kabilang parte, iginiit kan pamunuan kan kapulisan na dai sinda magigin kampante sa kabila kan marahay na kamugtakan, lalo na asin inaasahan an pag-abot kan nagkakarlaen na mga lider hale sa mga nasyon na kabali sa ASEAN.
Bilang pagsiguro sa kaayusan, puspusan na an pakikipag-ulay kan PNP sa mga lokal na gobyerno asin sa iba pang ahensya kan gobyerno sa mga lugar kun sain nakatakdang gibuhon an mga opisyal na aktibidad.
Maski dai pa nagtataas nin pormal na alert status, sinigurado kan kapulisan na andam sindang pakiluson an bilog na puwersa tanganing makapagtao nin mahigpit asin mapagkakatiwalaan na seguridad para sa nasambit na internasyonal na pagtitiripon.
