NAGA CITY– Sa kulungan an bagsak kan sarong ABC President sa Camarines Sur makalihis madakop sa operasyon kan pinagsarong pwersa kan Criminal Investigation and Detection Group (CIDG) asin Ragay-PNP sa banwaan nin Ragay sa nasambitan ng probinsya.
Binisto an suspek na si Kapitan Petronilio Mercado kan Barangay Lohong sa parehong banwaan.
Sa nagunong impormasyon kan Bombo Radyo Naga, napag-araman na nadakop si Mercado sa lindong kan search warrant na ipinaluwas ni Hon. Judge Cecilia Borja Soler kan RTC Branch 29, Libmanan, Camarines Sur.
Narekober sa suspek an duwang high powered firearms na kinababalehan kan sarong M16 rifle, machine gun asin mga bala nin badil.
Sa ngunian, nagtitinir na sa kustodiya kan mga otoridad an nasambitan ng opisyal para sa maninigong disposisyon.
