NAGA CITY- Nagkukundusir nin accounting asin monitoring kan mga badil an Naga City Police Office tanganing masierto na dae nagagamit sa maraot an saindang mga service firearm.
Sa nagin paghampang sa mga kagawad kan media ni PLt.Col Chester Pomar, tagapagtaram kan Naga City Police Office, sinaysay kaini na an nasambitan ng lakdang an tanganing masierto na nagtitinir na nasa pangangataman kan mga pulis an saindang mga badil, ini huli sa nagkapirang insidente kun sain an iba an pigsasangla an saindang mga service firearms.
Maduon man na pigkondenar ni Pomar an siring na gibo asin sinaysay na dae ini kaako-ako sa saindang lado.
Apwera pa digdi, pag-abot naman sa paglilinig kan mga ini, igwa kaya nin mga bagong release na badil na bakung gabos sainda an nag-aaram kan mga mekanismo kaini kun kaya kaipuhan man giraray ining pag-adalan magin an practice shooting.
