Kinondena kan Alliance of Concerned Teachers (ACT) an Malacañang huli sa sinasabing pagbasol sa mga paratukdo asin education sector sa mga insidente nin kadahasan sa mga eskwelahan.
Sa intrevista kan Bombo Radyo Naga kay Ruby Bernardo, chairperson kan Alliance of Concerned Teachers, dai dapat isisi sa mga educator an campus violence huli sa igwa nin mas halangkaw na mga isyu na dapat tugunan tanganing masiguro an seguridad kan mga estudyante asin maestro.
Ipinagtaong duon ni Bernardo, na importanteng siyasaton an mga kondisyon sa mga eskwelahan asin an mga lakdang kan gobyerno para maprotehiran an mga estudyante asin school personnel, imbes na magtudok nin sisi sa mga paratukdo.
Nangapudan man an grupo sa gobyerno na magpautob nin konkretong mga lakdang para malikayan an kadahasan sa mga eskwelahan, kaiba an bastante na suporta asin seguridad para sa mga paratukdo asin estudyante.
Padagos man na hinihikayat kan ACT an mga kinauukulang ahensya na makipag-urulay sa mga education stakeholders tanganing makabilog nin mga solusyon sa problema nin campus violence.
