Pigtawan-duon kan sarong Abogado na dae pwedeng basta magsunad nin kaso an siisay man na kamag-anak o kabarkada laban sa tawong pinaghihinalaang nangaliwa. Pig-esplikar kaini na an offended spouse lang an pwede na magsunad nin reklamo para sa adultery o concubinage.
Sa intravesta kan Bombo Radyo Naga kay Atty. Joana Cassidy Dizon – Managing Lawyer, sinaysay kaini na malinaw sa Revised Penal Code kun sisay an pwede na magpoon kan siring kaso.Huli digdi, pwede na ma-dismiss an reklamo kun ini an isinampa kan magurang, tugang o kabarkada kan legal na agom.
Dae suboot bastante an simpleng hinala o pagkakadakop kan sarong lalaki o babae na may kaibang ibang tawo tanganing tulos na magka-igwa nin pananagutang kriminal.
Para sa adultery, kaipuhan na mapatunayan na an babayeng may agom an nakipagtalik sa lalaking bako kaini na agom asin aram kan lalaki na ini an kasal. Mientrastanto, sa concubinage, kaipuhan mapatunayan an arinman sa mga partikular na sitwasyon itinalaan kan ley, sirieng na sana an pakikipagtalik sa sarong iskandalosong paagi o pakikiiba sa ibang babae sa paaging saklaw kan ley.
Huli sa kadakli sa nangyayari sa pribadong lugar an mga naturang akto, sinabi ni Dizon na importante an pagkakaigwa nin sapat na testimonial, circumstantial asin iba pang admissible evidence tanganing mapatunayan an mga elemento kan kaso.
Pwede man suboot na gamiton komo ebidensiya an mga mensahe, admission asin video, alagad kaipuhan matugunan kan mga ini an mga kinakaipuhan sa authentication asin admissibility antes tanggapon kan korte.
Mientrastanto, nilinaw man ni Dizon na may mga sitwasyong dae laog sa adultery o concubinage dawa may malinaw na pagtataksil. Halimbawa, bakong awtomatikong concubinage an simpleng paghadok sa ibang babae, huli kaipuhan na magsang-ayon sa hiro sa mga partikular na elemento kan ley.
Huli digid, pigtawan-duon kan abogado na importanteng suriin muna an bilog na pangyayari asin ebidensiya antes magsunad nin kaso.
Dugang pa ni Dizon na bako gabos kan pagtataksil an awtomatikong adultery o concubinage—asin bako gabos na nakasaksi sa pagtataksil an pwede nna magsunad nin kaso.
