Pinabulaanan kan Armed Forces of the Philippines (AFP) an nagin paratang kan lunes ni dating Ilocos Sur Governor Luiz “Chavit Singson na pigagamit soboot an nagkapirang militar tanganing maproteheran an interes kan mga pulitiko mantang naeeksperyensiyahan kan kadaklan kan mga Pilipino an korapsyon siring kan paglangkaw kan presyo kan barakalon, pagluya kan piso, paglobo kan utang kan bayan, asin pagbagsak kan foreign investments.
Komo tugon, pigsaysay ni AFP spokesperson Colonel Francel Margareth Padilla na nagtitinir na matatag an AFP sa pagsunod sa mandato kan 1987 Constitution, partikular sa probisyon na nagsasabi na an “Civilian authority” na perming nangingibabaw sa militar.
Pigtawan-duon man kaini na pigsuportaran kan AFP an adbokasiya para sa marhay na pamamahala asin kontra korapsyon, an mga usapin na may kinaaraman sa gobierno, pananalapi kan gobierno,a sin polisiya sa ekonomiya saklaw kan mga hukuman asin civillian oversight bodies, bako kan militar.
Marurumduman sinaysay ni Singson na may pirang haralangkaw na opisyal man kan militar an soboot pigtawan nin kwarta, bako tanganing tabangan kundi patahimikon.
Pig-enkaminar man kan dating gobernador si AFP Chief of Staff General Romeo Brawner Jr. na hayagang magtindog kontra sa katiwalian.
Huli digde nagbabala si Padilla kontra sa pangapudan imbwelto an militar sa partisan politics, na sigun sa sandatahang kusog an nagraot sa integridad kan institusyon.
Dugang pa kaini, importante an pagigin mapanuri kan publiko orog na sa panahong kaipuhan kan nasyon an pagkakasararo, partikular sa hampang kan mga hamon sa West Philippine Sea.
