Nagpakol na an kantedad kan danyos sa crop sector gikan sa panlalamasa ni Bagyong Julian sa labi kabangang bilyong piso, sigun sa Department of Agriculture (DA).
Sa typhoon situation bulletin kan Department of Agriculture, pigsaysay kan ahensya na an kantidad kan production loss huli sa weather disturbance an nagpakol na sa P551.81 milyon.
Naraot ni Julian an 15,296 ektarya kan agricultural areas sa Ilocos Region, Cagayan Valley, asin Central Luzon.
Sigun sa DA, an volume kan pagkalugi sa produksyon gikan sa mga apektadong lugar nin agrikultura an pigkakarkulong 21,830 MT para sa paroy, 742 MT para sa mais, asin 51 MT para sa mga pananom na halangkaw an kantedad.
Katakod dgdi, an paglangkaw kan kabilogan na danyos asin pagkalugi pig-aatribwir sa mga report sa Ilocos asin Cagayan Valley Regions.
Sigun pa dgdi, an kantedad na ini an sakop kan dugang pang pag-validate mantang padagos an mga field assessment asin validation, piglalaoman man an dugang pang danyos asin pagkalugi sa mga apektadong rehiyon partikularmente sa paroy asin mga high-value crops sa Cagayan Valley.
Mientrastanto, sa sarong news forum, sinabi ni DA Assistant Secretary asin spokesperson Arnel de Mesa na an agricultural damage na dara kan Julian an dae magigin dahilan nin dakulang kahaditan pag abot sa supply asin sa presyo. Marurumduman, nagluya si Julian komo low pressure are (LPA) kan nakalihis na Biyernes sa pagluwas kaini sa Philippine Area of Responsibility.
