Dagusan nang pigsarado ni Ai Ai delas Alas an saiyang buhay may-agom makalihis an suhayn ninda ni Gerald Sibayan.
Sa sarong social media post, nagpasalamat an komedyante sa mga amigo asin kaparientes kaini na nagsuporta sa saiya sa tahaw kan mga kinahampang na huma.
Kasabay digde, pigkumpirmar man ni Ai Ai na pigbawi na kan U.S. Citizenship and Immigration Services (USCIS) an green card petition para ki Sibayan.
Marurumduman, nagsuhayan an duwa kan Oktubre 2024 makalihis an pitong taong pag-iibahan komo mag-agom.
Kan hinapot sa posibleng third party, nagpasabot an komedyante na namamatean soboot kaini na igwa ng bago an saiyang dating agom.
Sa ngunyan sa ibong kan suhayan determinado si Ai-Ai na hampangon an bagong kabanata kan saiyang buhay nin igwang paglaom asin pagpapasalamat.
