An desisyon ni United States President Donald Trump’s na isuspender an US overseas funding an posibleng magresulta sa milyon na pagkagadan huli sa Aids.
An United States an pigkokonsederar na world’s largest provider kan official development assistance na kun saen an dakulang porsyento kan pondo an nagdederikta sa United States Agency for International Development (USAID).
Marurumduman, pigsugo ni Trump an pagsuspender kan US foreign assistance nin haros tulong bulan sa saiyang pagbwelta sa saiyang opisina kan nakalihis na Enero na nagresulta nin bakong marhay na epekto sa pig-apod sa nagbubusol kan global humanitarians effort.
Sigun ki UNAIDS executive director, Winnie Byanyima sa ibang mga nasyon labi an epekto kan pagsuspender nin pondo orog na an mga sararadit na nasyon.
Marurumduman pa kabali sa mga nagin lakdang kan Estados Unidos US an 90-day suspension kan gabos na trabaho kan President’s Emergency Plan for AIDS Relief (PEPFAR), alagad maski an saiyang administrasyon an nag-isyu nin waivers para sa medication sa irarom kan programa.
