Nagbagsak an sarong Air India plane sa Ahmedabad, India, ngunyan na aldaw.
An eroplano, sarong Boeing 787-8 Dreamliner, na pasiring sa London Gatwick asin igwa nin lunad na 242 katawo, kabali na an 230 pasahero asin 12 crew members.
Basado sa report, an insidente an nangyari harani sa palupadan pirang minuto makalihis an pag-takeoff.
Katakod kaini, nasa 204 na bangkay an narekober. Sigun sa mga otoridad kan India na sarong pasahero an nakasalbar sa kabilogang 242 katawo na nalunad sa Air India.
Igwa nin kabilogang 169 na Indian nationals, 53 Britons, pitong Portuguese nationals asin sarong Canadian an lunad kan nasambitan ng eroplano.
Pasiring na sa India an mga US Investigators tanganing magtabang sa imbestigasyon.
Mantang pigsierto man kan Airline companies na dae ninda pababayaan an mga biktima.
