Isinagibo kan kumpanyang Joby Aviation an primerong text flight kan saindang fully-electric air taxi sa Dubai ngunyan na semana, sarong lakdng pasiring sa paggamit kan airborne transport sa siyudad na pupuonan sa 2026.
Sigun ki Anthony Khoury, General Manager kan Joby sa UAE, obheto kan proyekto na baguhon an paagi kan pag-commute kan mga tawo.
Piglalaoman na an biyahe gikan sa Dubai International Airport (DXB) pasiring Palm Jumeirah an mahaloy na sana nin 12 minuto gamit an air taxi, kumparar sa 45-minuto sa kotse.
Alagad maski target kan Job na magin abot-kaya an serbisyo para sa gabos, piglalaoman sa puon, magigin mas mahal ini asin mas naka-focus sa mga may halangkaw na kita.
Napag-araman na ginibo an test flight sa disyertong lugar sa luwas kan siyudad na pigpartisiparan kan mga opisyal gikan sa gobyerno asin transport sector.
Ipinahiling kan aircraft an kakayanan kaining maglupad nin patindog, maglupad nin pirang milya asin bweltada sa paglapag.
An Joby Aerial Taxi, sarong electric vertical take-off and landing (eVTOL) aircraft na may kakayanang maglupad nin hasta 160 kilometro asin mag-abot sa rekas na 320 km/hr.
Ini an zero-emission asin bastante an ribog na pigluluwas tanganing magamit sa matawong lugar.
Sa ibong kan potensiyal, pigkakahampang pa man kan industriya kan eVTOL an mga huma sa regulasyon asin imprastraktura.
Nagbaba kaya an stock price forecast kan Joby sa mga risk aerospace sector, alagad presenteng nasa $10.55 an kantidad kan saindang stock.
