Nakabuhat na an Airbus gikan sa krisis sa software makalihis an mahewasang recall kan A320 jets asin pagsasairarom sa pirang technical process.
Marurumduman na ribu-ribong eroplano gikan Asya hasta Estados Unidos an tolos na nagsairarom sa software retrofit na pigsugo kan mga regulator.
An lakdang kawsa kan insidente sa JetBlue A320 na naapektaran kan solar flare.
Poco mas o menos 6,000 eroplano an paramientas na pinag-ground tanganing masierto an kasalbaduhan kan mga pasahero.
Sa laog nin 24 oras, nabawasan an numero kan mga apektadong eroplano makalihis matukdo kan mga eksperto an partikular na mga unit.
An solusyon an pagbwelta sa mas lumang bersyon kqn software na nag-cocontrol sa nose angle kan eroplano.
Nagpaabot man nin despensa an CEO kan Airbus asin pigsierto na mas magigin bukas sinda sa publiko, kasunod kan mga adal gikan sa krisis kwn Boeing 737 MAX.
Sa Pilipinas, dose-dosenang flights an napauktaba mantang igwang nag-abot nin kabangang oras an lay over huli sa pangyayari.
