Kinumpirmar kan mga Iranian media na nagadan an aki na babae, manugang, asin makuapo ni Supreme Leader Ayatollah Ali Khamenei sa isinagibong airstrikes kan Estados Unidos asin Israel sa compound kaini sa Tehran.
Sigon sa report kan Fars News Agency asin iba pang local media sa Iran, na nagadan sa airstrikes an mga miyembro kan pamilya kan lider.
Nakumpirmar an saindang pagkagadan makalihis na ibunyag kan sarong reliable sources sa laog mismo kan harong kan Supreme Leader.
Ikinasa kan US asin Israel an joint combat operations sa Iran na obhetong patumbahon an rehimeng Ayatollah.
Sa ngunyan mayo pang iniuwas na opisyal na pahayag an kampo ni Khamemei manungod sa saindang kamugtakan, alagad enot nan ibinalita ni Israel Prime Minister Netanyahu na igwang mga senyales na maging an Supreme Leader an nagadan sa nasambitang pagsalakay.
Mantang ipinagtaong-doon naman kan nagkapirang mga opisyal kan Islamic Revolutionary Guard Corps (IRGC) na buhay pa si Ayatollah Khamenei asin ipighayag na gadan na ini ay parte lang kan “psychological warfare” kan Israel asin US.
