Kinumpirmar ni Department of the Interior and Local Government (DILG) Secretary Jonvic Remulla na ligtas na si Senator Ronald “Bato” dela Rosa asin kaibanan kan security personnel kasunod kan tensyon asin lockdown sa Senate building.
Sa saiyang pag-atubang kaiba an mga media personnel sa senado, sinabi kan secretary na pinaaram ninda si Dela Rosa na yaon sinda duman para maseguro an integridad kan senado asin an proteksyon kan gabos na senador na yaon sa edificio.
Inasegurar man ni Remulla si dela Rosa na dae ninda siya dadakopon.
Enot kaini, nayugyog an senado makalihis na madangog an mga putok nin badil kan banggi kan Miyerkules, Mayo 13 mantang naka-lockdown an senado, kun saen presenteng nasa protective custody an senador.
Segun ki Remulla, pig-aaram ninda ngonian kun sisay an mga nasa likod kan serye nin pambabadil.
Nagbutwa an tensyon sa Senado makalihis na dai makapagluwas nin temporary restraining order (TRO) an Korte Suprema, na hinagad ni Dela Rosa sa tahaw kan mandamiento de aresto hale sa International Criminal Court (ICC).
