Nagbagsak sa semifinals kan Jingshan Tennis Open an Pinay tennis star na si Alex Eala makalihis daugon ni Lulu Sun kan New Zealand sa score na 6-3, 4-6, 2-6.
Nakua ni Eala an enot na set asin nagkaigwa pa nin 2-1 na kalamangan sa ikaduwang set, alagad sinundan ini kan apat na magkakasunod-sunod na kapangganahanni Sun.
Nakabawi pa si Eala asin nanggana nin duwang magkakasunod na kawat tanganing makahabol, alagad dae na kaini napugolan an pag-angat ni Sun.
Sa pagpupuon kan third set, tulos man nangenot si Sun kan makua an enot na apat na kawat.
Pigporbaran pa man na makabawi ni Eala, alagad sinelyuhan ni Sun an saiyang kapangganahan sa huring parte kan set.
Ini an panduwang pagkadaog ni Eala ki Sun makalihis an saindang paghampangan sa Wimbledon qualifiers kan nakalihis na taon.
Matapos an torneo kan Jignshan nin mayong Alex Eala na mapadagos sa final.
