Magayon an pagpuon ni Alex Eala sa kampanya kaini sa Madrid Open makalihis na daugo an Bulgarian na si Viktoriya Tomova sa Round of 128 na pigkundusir sa Spain.
Sa iskor na 6-3, 6-2, pinatunayan kan 19-anyos na si Eala—kasalukuyang world no. 72 na preparadong ining makipagsabayan sa mas haralangkaw an ranggo siring ni Tomova na mas halangkaw nin walong puwesto sa saiya sa world rankings.
Huli sa kapangganahan na ini, mausad si Eala sa Round of 64 kun saen liwat na mahampangan sinda kan world no. 2 na si Iga Swiatek.
Nagkahampang na an duwa sa Miami Open kan Marso kun saen nakilhag an tennis world makalihis na makapagrehistro si Eala nin upset kontra sa Polish star sa quarterfinals sarong trayumpo na nagbukas nin mas mahewas na atensyon sa saiyang karera.
