NAGA CITY-Pigtawan duon kan alkalde kan siyudad nin Naga na mayong lugar sa City hall an anuman na klase kan korupsyon.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na kun enkaso an Small Town Lottery an igwang indikasyon na cover up para sa Jueteng dae soboot ini pwede.
Siringman an siisay man na empleyado kan City hall na mababaretaan na nagrereseber nin lagay an dae sasantuhon.
Paliwanag pa ni Robredo na kun an STL o anuman na kontrata sa suyudad kun legal dae na kaipuhan na magtao pa.
Dae soboot kaipuhan na magtao nin kwarta o lagay huli ta legal man ini asin igwang proseso na pigsusunod.
An siisay man na madadakop dae soboot mapahiling nin pagkaherak nin huli ta antes pa man ining magtukaw komo alkalde kan Naga City, ipinaliwanag na kaini sa saiyang mga pag-iriba na magigin mahigot sa pag-implementar kan mga panundunan.
Dugang pa kan alkalde, maski an paghahagad o pagsolicit nin pangparaffle sa mga supplier asin contractor an mahigot na ipinagbabawal.
Maski pa an pakakan mahigot na ipinagbabawal ni Robredo sa gabos na opisina kan City hall.
Sa ngunyan, pigsierto na sana kan opisyal na sa saiyang pamamayo sa siyudad dae tutugutan an siring na salang gibuhon na nagraraot sa marhay na futuro kan lugar.
