Labi an excitement ni veteran outside hitter Alyssa Valdez na liwat makakaibahan si playmaker Jia Morado De Guzman sa kampanya kan Creamline Cool Smashers sa Premier Volleyball League (PVL).
Kumpirmado na an pagbabalik ni De Guzman sa Cool Smashers makalihis magkawat komo import sa Japan V.League kaiba an Denso Airybees sa laog kan duwang taon.
Alagad kaipuhan pa kan Cool Smashers na maghalat muna nin huli ta parte si De Guzman kan Alas Pilipinas. Dae na muna makawat an gabos nin miyembro kan Alas Pilipinas sa PVL hasta sa igwa nin torneo ining aatendiran.
Matatapos an nasambitan ng kampanya kan Alas sa Oktubre — an petsa kun nuarin pwedeng bumalik an mga national players sa kani-kanyang mother teams.
Kaya man inaabangan na ni Valdez an liwat na pagsusulot ni De Guzman nin Creamline jersey.
Excited man an mga fans kan Cool Smashers na liwat na mahiling an tambalan ninda Valdez asin De Guzman na nagpuon pa kan nasa college days an duwa sa Ateneo de Manila University na nagkawat sa UAAP.
