Nagtao an Department of Budget and Management (DBM) nin P82.9 bilyon para sa year-end bonus asin cash gift kan mga kwalipikadong kawani kan gobyerno.
Makakaresibe an lambang kwalipikadong empleyado nin bonus na katumbas kan sarong bulan na basic salary asin P5,000 na cash gift.
Segun sa DBM, P73.449 bilyon an itinao para sa bonus mantang P9.549 bilyon man an para sa cash gift.
Sinabi ni DBM Secretary Kim Robert C. De Leon na naipanao na an pondo sa mga ahensya asin dapat maresibe kan mga kawani an benepisyo kaiba an enot na sahod sa Nobyembre.
Kwalipikado digdi an mga kawani na nakatrabaho nin dai mababa sa apat na bulan o 120 aldaw poon Enero 1 sagkod Oktubre 31, 2026 sa nasyonal o lokal na gobyerno.
“Ang Year-End Bonus po ng mga government employees na katumbas ng one month basic salary, kasama ang P5,000 Cash Gift, ay dapat matanggap kasabay ng first salary for November. Na-release na po ng DBM ang pondo para rito, kaya we want to remind our agencies to ensure the timely release of these benefit,” pahayag ni DBM Secretary Kim Robert C. De Leon.
Sinabi ni De Leon na dakulang tabang sa mga kawani asin sa saindang pamilya an nasabing bonus orog na harani na an holiday season.
“Alam po natin na malaking tulong ito sa ating mga kawani at kanilang pamilya, especially ngayong papalapit na ang Pasko. More importantly, this is our way of recognizing and thanking our government workers for their hard work, dedication, and continued service to the Filipino people,” dagdag pa ni Sec. De Leon.
